فرفشات


   
العودة   منتديات عشاق الامام علي > • عشاق وحي الشعر وهمس الخواطر والثقافة • > عشاق الــشــعــر و الـــخــواطـــر > ولاؤنا تخطه اناملنا

   
ولاؤنا تخطه اناملنا كل مايتعلق باهل البيت عليهم الصلاة والسلام من اشعار وخواطر

Like Tree1Likes
  • 1 Post By الحجار

إضافة رد
   
المنتدى المشاركات الجديدة ردود اليوم مشاهدة المشاركات المشاركة التالية
   
LinkBack أدوات الموضوع انواع عرض الموضوع
   
   
قديم 12-09-2014, 09:19 PM رقم المشاركة : 1
معلومات العضو

إحصائية العضو








الحجار غير متواجد حالياً

 


المنتدى : ولاؤنا تخطه اناملنا
زوار الحسين تنادي لبيك ياحسين


زوارك))

********************

زوارك** زوارك** نجدد عهدنه وياك

خطّارك **خطّارك**جينـــاك بايعنــاك

انضّحيلك بدمانه ** حاشه ماتنسانه

*******************

مشينه وبدربك عرفنه **وجوه مامرن علينــــــه

غرب جنه بدرب واحد**وتحت كبتــــــك التقينه

حبك أوودّك جمعنــــه ** تصافحت بسمك ادينـه

ونفوسنه متعارفــــــه

والوجه مرني وشايفه

منه حجايه وســــالفه

صارت الصحبه متينه

تعارفنــه**تعارفنــه ** المرضات الله ورضاك

مخاوفنه **مخاوفنه** كلهه أنجلت بحمـــــاك

الموالي بأيمانه **ومحبتك عنوانه **حاشه ماتنسانه

*******************

دربك انته بلا نهايــــه ** النـه مبدأ النـه رايه

يبقى لاخر يوم حاضر**وكربله هيه البدايــه

العالم يشوف المعاجـز ** آيـــه تتفاخر بآيـــه

عندك الطِّب بـــلا دوه

انته النفس وانته الهوه

لعيونه ماي وضـــــوه

حُبّك أيشرف الغايه

مشيناهه** مشيناهه **بدروب الود ننخاك

وياهـــه** وياهـــه ** بآثارك نتعنــــــاك

بطيبك تتلكانه **دومك توكف ويانه** حاشه ماتنسانه

******************

بشوك نحسبهه الليالـــــــي**والجدم تطوي الخطوه

والايادي اتصير رايــــــه ** بدربك انوزِّعهه فدوه

احزامنه بدرب المصاعب **نخـوه والغيــره وخوَّه

كـــل الموائـــد تنّصب

يابو علــي وبكل درب

بمحبتك يهون الصعب

علنواصب حبنه بلوه

ارهابيه**ارهابيه**تحاربنه وتتحداك

يوميه **يوميه **بدمنه تفرح ودماك

غصبن على اعدانه **نحبك يمولانه** حاشه ماتنسانه

*******************

الك منصوبه موائــــــــــد **بيهه خــــدّام الزجيـــــه

ترتجي بس رضه الزايــر**حتّه لو يشـــــــرب اميَّه

انشوفه بالخدمه مقاتــــــل **تكول بأرض الغاضريه

خدّامك أحنه للأبـــد

مانخلف وياك العهد

نتطَّرك يوم الوعـــد

ونصعد وياكم سويه

احبابــك **احبابـــك** كلنه نتمنَّه رجاك

انصافك ** انصافك ** يوم الحشر بحماك

يحسين يحمانه **من فضلك يرجانه** حاشه ماتنسانه

*******************

العمــــر منذور لسمك**فطره وربينه عليهه

نزور نتحمل مصاعب**والكبلنه اطت اديهة

الشعاربدم كتبنــــــــــه**الشيعة خدام الوليهه

كل خطوه الك حبنه نصف

لجلـــــــك الاصعب موكلف

الدم دمعنـــــــــــــه لو يجف

الروح دمعه اتصير بيهه

الرايه **الرايه** كلب وعيـــون وجفوف

الغايه **الغايه ** نوصل صحنك انطوف

نأديهه الامانه**مانعرف خيانه ** حاشه ماتنسانه

*******************

الك لابد يوم تعلــــــه**رايه امجاد الامامه

ايطالب بثارات طفك**جنه يوم من القيامه

المايلحك بالسفينــــــه**بعد شنتفعه الندامـه

ونواره تظهر بالسمه

واليوم يومه وغانمـه

انصافحه ونسالمــــه

ويعلن الكون احترامه

ثاراته ** ثاراته ** جدمه يمشي بخطاك

هيهاته ** هيهاته** صرخه علَّت الواك

أنتاني زمانه ** ويتعلَّه لوانه ** حاشه متنسانه

****************** *********



اسم القصيده( ياهله بالموت) @@

======

من اجلك يبو اليمه لبسنه جفانه**ياهله بالموت المشه ويانه

زوارك **زوارك

**************************

زوار نمشي عله الدرب نتوحد**الدنيه لوعادتنه منهاب احد

ومحبتك روح وامل تتجـــــــدد**للدين دمك ثبته واركانه

زوارك**زوارك

***************************

لبيك يابو علي من نادينــــــه**والگلب صافي النيّه وتعنينه

نواسي الزجيه وحيدر ونبينه**ثابت موالي رافضي عنوانـــه

زوارك **زوارك

***************************

انعزّي العزيزه الحره باربعينك**بالحزن ردت الك والحنينك

الله يعين ضعونك ويعينـــــــك**گبرك تناشدها وين امجانه

زوارك **زوارك

****************************

شعله تظل بگلوبنه تتوهج**والگاع تحت الجدم منّه ترتج

منريده للمايفتهمنه ويحتج**تتعاده خلِّي الناصبه ويّانــــه

زوارك **زوارك

****************************

عدنه العقيده الصافيه والمنبع**العتره أومودتها ونبينه نتبع

الموت لو گدامنه مانرجــــــــع**كلنه يقين حسين ماينسانــه

زوارك **زوارك

***************************

كل الحناجر رددت هتافــــــات**للعالم انسمعّه صدق الصرخات

هيهات منه الذله والله هيهات**الموت عز وياك ذل لعدانــــــــه

زوارك **زوارك

********************

زوار) @@

=====================

عنوان **عنوان**عنوان حبـك الخلود

شريان**شريان**شريان دمك للوجود

*******************

الجسد يحتاج للـــــــروح ونفس**والشهاده أعلى المراتب للدرس

انته نورالگلب والتاج والحرس**واليضدك لملم أحقــــــاده وخنس

بهداك**بهداك**بهداك شع نور الامان

وياك**وياك**وياك صحبه من الزمان

******************

أحنه لونمشيلك أدروب الخطر**وبمحبتك شفنه لوعات وامر

نور دنيا وأخــــره أشرف مقر**جنه الفردوس النه المستقــر

جنات**جنات** جنات يا خير العمـــــــل

رحمات **رحمات**رحمات لليمَّك وصل

*******************

الگلب والروح تسبگ الجدم** امسارع أوياهن تسابگ عالعلم

السجل بيده حبيبك والقلـــــم** يامعالي الجود ومضيف القيــم

اسمه** اسمه** اسمه زاير سجله

ذمـــه** ذمـه** ذمه بگلبنه كربلـه

******************

نعتنيك بشوگ وبلهفـــــة مُحب**آه يامحـــروم من شرب العذب

انسوم طيبة كربله اعلينه تهب**حسنات امسجَله وتمحي الذنب

لذنـــوب** لذنــوب**لذنوب كله تنمحـــــــي

المطلوب**المطلوب** المطلوب منك نستحي

*******************

بلوعـــه نتنطره واليوم البتول**يالثارات الضلع كلنه نگــــول

باجر امتانين فجره من يصول**هلّته برايته أيرد دين الرسـول

المهدي**المهدي**المهدي يومه ننتظر

نفــــدي**نفـــدي**نفدي لو طال العــمر

************************************************** ******

((كتب اسمي ))

***********

زوّاره أيتلكاهــــــم ** يعدني واحد وياهم ** كتب اسمي

حسبهم ماجزه واحد**حبيب بصفّه متواجد** كتب اسمي

اسم كل واحـــد يزور

بسجلّه انكتب من نور- كتب اسمي

***--------------***

بعد شطلب وأتمنّــه

قبلنــــــي سيد الجنّه

كل هذا الفضل منَّه

يفجروني ويذبحوني

عنّه ما يمنعونــــــي

ويَّه حسين خلّونـــي

لو أحتـــرك لو أنذر

الف مرَّه وبعد أكثر

ثابت حبَّــــــه متغيَّر // سره بدمّي

أمشـي دروب لمنايا ** يميني رافع الرايـه ** كتب اسمي

تسابك خطوتي جدامي ** وشوفن كلبي كدّامي ** كتب أسمي

بشــارة فرح وسرور

بسجله أنكتب من نور ** كتب اسمي

***--------------**

أنصب مأتمه بكلبـــــي

اوصف بالنبض حبّــي

يقيني يجازي كل تعبي

كل خطوه ألي أمشيهه

وكل دمعه ألي أبجيهه

ابو اليمــــــه يجازيهه

أحسَّن من بعدني بعيد

يرِد الحيـــل من حديد

بيقين وثقه من جديــد /// اشد عزمي

زايـــر زايـــــر أتخطَّه ** مثل السهم والطلقه // كتب اسمي

الدرب ماخاف أخطاره ** أعرف يمَّه كل جاره // كتب أسمي

بأيده الجنَّه منَّه الحور ** بسجله أنكتب من نور // كتب أسمي

مشقّه وتعب أتحمَّــــــل

بأيدي الرايه ماأنـــــذل

ابو الســـجاد مايقبــــل

عينه تنظر العينـــــــي

أدري لا مناسينــــــــي

يداريني ويراعينــــــي

رغم جهدي ومعاناتي

أوصل كربله ذاتـــــي

بغيره أتّيه غاياتــــــي // ألي يحمي

حيانه حسين من دمَّه ** فدوه نروح أله وأسمه // كتب اسمي

اهل ياليتنا جينـــــــه ** أنجدد عهد والينـــــــه // كتب اسمي

وحق ياسين والطور

بسجلّه أنكتب من نور // كتب اسمي

**--------------------**

تعنَّه حيــــدر اليومــــــه

زينب يدري مــــــالومه

بسهم فركــــاه ملجومه

للطف توصــــل الزهره

البضعه تواســـي للحره

وياهه الموقف أتحضره

وجاب الحسن جبده وياه

جبده الكلب أخو واســاه

يوم حسين من ينســـــاه // الدمع يهمي

جدَّه حاضــــر الملكه ** من يبجي عليه حكَّه ** كتب اسمي

الضلع بدموع لوعاته ** جبد محراب آهاتــه // كتب أسمي

صَبر عالظلم والجور

بسجله أنكتب من نور // كتب اسمي

**--------------------**








العقيلة likes this.
التوقيع

http://c.shia4up.net/uploads/13763306001.swf

رد مع اقتباس
   
   
قديم 12-10-2014, 01:34 AM رقم المشاركة : 2
معلومات العضو

إحصائية العضو







مولاتي الزهراء غير متواجد حالياً

 


كاتب الموضوع : الحجار المنتدى : ولاؤنا تخطه اناملنا
افتراضي

قصيده رائعه الله يعطيك الف عافيه







رد مع اقتباس
   
   
قديم 12-10-2014, 06:06 AM رقم المشاركة : 3
معلومات العضو

إحصائية العضو







العقيلة غير متواجد حالياً

 



اوسمتي

كاتب الموضوع : الحجار المنتدى : ولاؤنا تخطه اناملنا
افتراضي

لبيك ياحسين
اللهم صل على محمد وال محمد
يعطيكم العافية استاذ الحجار
ليجزيكم الله الف خير
شكرا







التوقيع



رد مع اقتباس
   
   
قديم 12-10-2014, 04:09 PM رقم المشاركة : 4
معلومات العضو

إحصائية العضو








الحجار غير متواجد حالياً

 


كاتب الموضوع : الحجار المنتدى : ولاؤنا تخطه اناملنا
افتراضي

ممنون لفيضكم المبارك مع الود
شكرا /// ممنون






التوقيع

http://c.shia4up.net/uploads/13763306001.swf

رد مع اقتباس
   
   
قديم 12-10-2014, 04:50 PM رقم المشاركة : 5
معلومات العضو
مشرف سابق له كل الشكر والتقدير

الصورة الرمزية بو هاشم

إحصائية العضو









بو هاشم غير متواجد حالياً

 


كاتب الموضوع : الحجار المنتدى : ولاؤنا تخطه اناملنا
افتراضي

أحسنت

كلمات في قمة الروعه

بارك الله فيك







التوقيع

نقرتين لعرض الصورة في صفحة مستقلة

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم

رد مع اقتباس
   
   
قديم 12-10-2014, 05:32 PM رقم المشاركة : 6
معلومات العضو

إحصائية العضو







فاطمية الهوى غير متواجد حالياً

 



اوسمتي

كاتب الموضوع : الحجار المنتدى : ولاؤنا تخطه اناملنا
افتراضي

سلم قلمكم المبارك قصيدة رائعة. ..تقييم مستحق
ودي...
لبيك يا حسين







التوقيع

نقرتين لعرض الصورة في صفحة مستقلة

رد مع اقتباس
   
   
قديم 12-11-2014, 07:22 AM رقم المشاركة : 7
معلومات العضو

إحصائية العضو








عاشق الغربه غير متواجد حالياً

 



اوسمتي

كاتب الموضوع : الحجار المنتدى : ولاؤنا تخطه اناملنا
افتراضي

زوار نمشي عله الدرب نتوحد**الدنيه لوعادتنه منهاب احد
ومحبتك روح وامل تتجـدد**للدين دمك ثبته واركانه
زوارك**زوارك
***************************
لبيك يابو علي من نادينـه**والگلب صافي النيّه وتعنينه
نواسي الزجيه وحيدر ونبينه**ثابت موالي رافضي عنوانـه
زوارك **زوارك
رزقنا الله ويأكم في الدينا زياره الحسين وفي الاخره شفاعته صلوت الله عليـه
مشكور شاعرنا على القصائد الحسينيه الرثائيه الرائعه
سلمت يمناك ويعطيك الله العافيــه
تحياتي لك







التوقيع


نقرتين لعرض الصورة في صفحة مستقلة
يللي تناشدني عليمن تهمل العيـن..كل البچه والنوح والحسره على احسـين
حبه ابگلبي او تظهره ابصبها ادموعـي..مجبور في حبه ولا شوفه ابطـوعي
ياليت گبل اضلوعه انرضت اضلوعـي..او من دون خده اتعفرت مني الخدين
أبچي على امصابه كل صبح او مسيـه..ابچي وساعد عالبچه الزهره الزچيه
لا زال تندب يا غريب الغاضريـه..يحسين وين اللي يواسيني عله احسـين
رد مع اقتباس
   
   
قديم 12-11-2014, 08:56 AM رقم المشاركة : 8
معلومات العضو

إحصائية العضو








الحجار غير متواجد حالياً

 


كاتب الموضوع : الحجار المنتدى : ولاؤنا تخطه اناملنا
افتراضي

أعظم الله لكم الاجر

ممنون لفيضكم المبارك مع الود
شكرا /// ممنون






التوقيع

http://c.shia4up.net/uploads/13763306001.swf

رد مع اقتباس
   
   
قديم 10-07-2016, 02:17 PM رقم المشاركة : 9
معلومات العضو

إحصائية العضو







العقيلة غير متواجد حالياً

 



اوسمتي

كاتب الموضوع : الحجار المنتدى : ولاؤنا تخطه اناملنا
افتراضي

ياحسين
رحمة الله ع روحكم الخالدة بخلود الابيات الحسينية اليت ملئتم بها
صفحات ومواقع
اشعار وقصائد
لك مني الف سلام وتحية ياسيدي ياخادم اهل البيت عليهم السلام







التوقيع



رد مع اقتباس
   
إضافة رد

   
مواقع النشر (المفضلة)
   

   
الكلمات الدلالية (Tags)
لبيك, الحسين, تنادي, ياحسين, زوار
   

   
المواضيع المتشابهه
الموضوع كاتب الموضوع المنتدى مشاركات آخر مشاركة
لبيك ياحسين أطفال الحسين ع كبش الكتيبه منتدى ابداعات وتصاميم الاعضاء 2 10-15-2016 07:25 AM
لبيك ياحسين ابو مناف البصري ولاؤنا تخطه اناملنا 7 01-07-2016 02:16 AM
لبيك ياحسين .. ما معنى ذلك ؟ عطارد كربلاء الشهادة وحسين الاباء 7 11-22-2013 01:40 AM
تصميم لبيك ياحسين ^^ بوصالح منتدى ابداعات وتصاميم الاعضاء 9 07-14-2012 11:51 AM
لبيك ياحسين عطر الولايه عشاق برامج المسنجر 16 01-25-2012 04:36 PM
   

   
الذين يشاهدون محتوى الموضوع الآن : 1 ( الأعضاء 0 والزوار 1)
 
   

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Loading...


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir
new notificatio by 9adq_ala7sas
Ads Organizer 3.0.3 by Analytics - Distance Education
اللهم بحق أشرف خلقك محمد وبحق سيدة نساء العالمين الزهراء وبحق أمير المؤمنين علي وبحق الشهيد المظلوم أبي عبد الله الحسين وبحق كل أنبيائك ورسلك وبحق التورة والإنجيل والقرآن وبحق القائمان بأمرك المسيح والمهدي أحفظ هذا الصرح الذي هو من فضلك ومن خيرك ومن كرمك ومن عطائك ومن نورك. قسماً بكل أسمائك وكل صفاتك ما هو إلا للوصل لرضائك ولنصرة أهل بيت رسول الله الذين كرمتهم بذكرهم في كتابك المجيد, وما هو إلا صرح لإحقاق الحق على الباطل, ولنصرة المظلوم على الظالم, ولدعم المقاوم أمام المحتل, ولتمهيد ظهور القائدان القائمان بأمرك. اللهم إنّا لا نسألك رد القضاء بل نسألك اللطف فيه والحمد الله على كل حال.

Security team

تصميم الستايل علاء الفاتك    http://www.moonsat.net/vb